कर्णाली याक्सको मुख्य प्रायोजकमा महिन्द्रा, अग्नी ग्रुपसँग आज भयो सम्झौता

काठमाडौं । नेपाल प्रिमियर लिग (एनपिएल)को फ्रेन्चाइज टिम कर्णाली याक्सले मुख्य प्रायोजकमा अटोमोबाइल उत्पादक कम्पनी महिन्द्रा, अग्नी ग्रुपसँग सम्झौता गरेको छ।

शुक्रबार नक्सालको हिल्टन होटलमा दुई पक्षबीच सम्झौता भएको हो। सम्झौतामा कर्णाली याक्सका मालिक झनक दत्त खनाल र महिन्द्राकी उपाध्यक्ष वेदा सताशा श्रेष्ठले सम्झौता गरेका हुन्।

आजै महिन्द्रा लेखिएको टिमको जर्सीसमेत सार्वजनिक गरिएको छ।

सम्झौताबारे महिन्द्रा, अग्नी ग्रुप उपाध्यक्ष श्रेष्ठले कर्णाली याक्ससँग जोडिन पाउँदा खुसी भएको बताएकी थिइन्।

‘आगामी लिगको लागि कर्णाली याक्ससँग जोडिन पाउँदा खुसी छौं। कर्णाली याक्सलाई प्रतियोगिताको लागि शुभकामना,’ उनले भनिन्।